Wine Run
- Egizu korrika ardoaren espirituarekin.
- Mahastiz inguratutariko bide eta xendretan barrena.
.
Zer da Wine Run, eta zertan datza V. edizio hau?
“Wine Run Rioja Alavesa” kirol-, gastronomia- eta kultura-ekitaldi bat da, Arabako Errioxan 2016. urtetik egiten dena. Lehenengo bi edizioak Guardian egin zireneta hurrengoak Bastidan.
Bosgarren edizio hau urriaren 30ean, igandean, izango da. Probaren baitan, 10 eta 20 kilometroko lasterketak daude, oinez egiteko 10 kilometroko herri-martxa bat, eta ardoaren azoka bat. Parte-hartzaileak upategi eta mahasti artean ibiltzen dira, oinez edo korrika, eta, aldi berean, mahastizaintza eta ardogintzari eskainitako ingurune hau ezagutzen eta disfrutatzen dute, paisaia ederren dagoenean, gainera, mahatsa bildu ostean, hain zuzen.
Herri-martxan parte hartzen dutenek ardo-kopa bat jasotzen dortsalaz batera, tokiko upategietako hiru ardo dasta ditzaten. Lasterketetan parte hartzen dutenei, berriz, helmugan ematen zaie kopa. Era berean, izena emandako guztiek kamiseta ofiziala jasotzen dute, poltsa batekin batera, baita ardoen azokarako doako txartelak ere (azoka Bastidan bertan egiten da, probak amaitutakoan).
Edozein modalitatetan parte hartzeko, nahitaezkoa da izena ematea, webguneko formulario honen bidez; halere, adin txikikoek ez dute zertan egin, herri-martxan parte-hartzaile batekin batera ibiliko badira.
Wine Runen jatorria:
Wine Run ekimena Lanzaroten jaio zen, irlako kabildoari eta hango Ironman probaren sortzaile Kenneth Gasqueri esker.
Tokiko berezko kultura babestu nahi duen kirol-espirituaz, Rioja Alavesa Wine Run penintsulara iritsi zen. Korrika egiteko 20 eta 10 kilometroko bi proba, eta oinez egiteko 10 kilometroko herri-martxa mahasti eta upategi artean.
Ekimenak mundu-mailako planteamendu paregabea dakar, ardoaren paraje ikusgarri eta oso desberdinak bat egiten dituzten bi egoitza izanik. Rioja Alavesa Wine Runen xedea da Arabako Errioxa sustatzea, eta familia-upategien tradizioa eta kultura aldarrikatzea, ehun urtetik gorako beren lursailekin Kantabriako Mendilerroaren oinetan muino txikiak eta ezkutuko txokoak sortzen dituzten horienak. Paraje ikusgarri honi tradizioa eta edertasuna darizkio kirolarekin bat eginiko nahaste berdingabean.
