BRIEFING

Ibilaldia goizeko 11:00etan hasiko da, Constitución kalean. Herritik Eskuernagarantz (Villabuena) abiatuko gara Sancinos kaletik, eta izen bereko bidetik jarraituko dugu, dagoeneko nekazaritza-bide bihurtuta.

Eskuernagarantz jarraituko dugu, muino eta mahastien arteko paisaia eder batean barrena. 900 metrora, San Roke baselizaren hondakinen ondotik igaroko gara. Bertan, paisaia ahaztezinaz gozatzeko aukera ematen duen begiratoki bat dago.

1,3. kilometroan Eskuernagako errepidera iritsiko gara, baina bidetik jarraituko dugu, lehenik ezkerrera eta ondoren eskuinera biratuz, Eskuernagarantz etengabeko jaitsieran.

2,65. kilometroan, bidetik Bideona upategira iritsiko gara, ibilbideko lehen upategira. Bertan, lehen ardoa dastatuko dugu eta inguruko paisaiaz zein Kantabria mendilerroaren ikuspegi ikusgarriez gozatuko dugu. Upategira sartzeko erabili dugun bidetik aterako gara berriro, eta eraikina inguratzen duen bide bat hartuko dugu. Ondoren, ezkerrera biratu eta Samaniegorako itzulera hasiko dugu, San Torcuato kaleko asfaltatutako bidetik, ia 2 kilometroko igoera etengabean.

5,6. kilometroan Samaniegora sartuko gara berriro, Murriarte, El Cercado eta El Ochavo kaleetatik igaroz. A-124 errepidea zeharkatuko dugu herriaren iparraldera iristeko, eta La Paul kaletik ibiliko gara Kantabria mendilerrorantz. Ezkerretara biratuko dugu nekazaritza-bide batetik Carrera kalera iristeko. Handik, mahastien artean, Bello Berganzo upategira iritsiko gara, bigarren ardo-dastaketa egiteko.

Bello Berganzo upategitik Buencerrada bidetik aterako gara iparralderantz, berriro ere mendilerrorantz. Mahastien artean ibiliko gara, eta Matarredo bidetik Samaniegora itzuliko gara. Handik, herriko upategien auzora sartuko gara, eta bertako kaleetan barrena Ostatu upategira iritsiko gara, ibilbideko hirugarren upategira.

Upategitik irten ondoren, A-124 errepidea zeharkatuko dugu Constitución kalera iristeko, futbol-zelaiaren inguruan. Bertan amaituko dugu ibilaldia, eta Ardo eta Gastronomia Azokari emango diogu hasiera.