Prentsaurrekoan egin dugu aurkezpen ofiziala

Gaur egin dugu prentsaurrekoan bitartez, Arabako Errioxara heldu den Wine Run kirol erronkaren aurkezpen ofiziala. Wine Run, Lanzaroten jaio zen marka bat da, “La Geria” babestu eta zabaltzeko, baita bertako mahatsondo guneak eta ardoaren paisaia deigarriak ere.

Arabako Errioxako Kuadrilla, Eusko Jaurlaritzaren laguntzarekin, akordio batera heldu da Cabildo de Lanzaroterekin, Rioja Alavesa Wine Run ekitaldia sortuz, Wine Run marka bultzatzeko. Kirol ekintza honen helburua, interes kultural-paisajistiko eta ondarezko interesagatik, tradizioagatik eta kalitatearen apustuagatik bereizten diren ardogintza guneak aldarrikatzea da.

Proba Urriaren 30ean ospatuko da Arabako Errioxan eta 36,20 eta 10 kilometroko distantziak eskainiko ditu, mahastiz inguratutako bide eta basabide artean egingo den ibilbidean. Kirol eskaintza honek, herri-lasterketen eta mendi-lasterketen artean dagoen tartea betetzea du helburu, diziplina hau probatzea nahi duten kirolariei beste aukera bat eskainiz. Gainera, Arabako Errioxaren balioak ezagutzera emateko asmoz, upeltegi eta mahasti artean egingo den 10 kilometroko ibilaldi herrikoian parte hartzeko aukera egongo da.

Ekintza honek hasieratik du ABRA Arabako Errioxako Upeltegien Elkartearen eta Ruta del Vino de Rioja Alavesa-ren  laguntza. Honen asmoa, upeltegiei eta enoturismo-dendei partaide egitea da, Wine Run ekintzaren parte-hartzaileak ardoaren eta eskualde osoaren esperientziaz gozatu ahal izateko.

Aurkezpenean hitza hartu dute:
– Arabako Errioxako Kuadrillakopresidentea, Joseba Fernández.
– Eusko Jaurlaritzako Nekazaritza eta Arrantzako kontseilariordea, Bittor Oroz.
– Cabildo de Lanzaroteko Nekazaritza, Abeltzaintza, Arrantza eta Promozioko kontseilaria, Antonio Morales.
– Arabako Foru Aldundiko Ekonomia Garapenaren eta Lurralde Orekaren Saileko diputatua, Pilar García Salazar.

Lanzarote Wine Run-en web orria